Ky çift shpenzoi 155 mijë USD për ta risjellë në jetë qenin e tyre të ngordhur. Edgar dhe Nina Otto paguan një pasuri të tërë për të klonuar qenin e tyre, të quajtur Sir Lancelot.

Gjithçka nisi në vitin 2008 kur qeni i tyre u diagnostikua me kancer. “Nuk e prisnim të vdiste kaq i ri,” tha amerikani Otto, djali i Edward Otto, një nga bashkëthemeluesit e NASCAR.

Ata e ruajtën ADN-në e qenit kur dëgjuan se po punohej për klonimin e kafshëve shtëpiake.

Lancelot Encore u bë qeni i parë i klonuar dhe lindi në vitin 2009. Shërbimi i klonimit tani është pezulluar në SHBA, por vazhdon në Korenë e Jugut.