Zgjedhjet në LSI, sa vota mori Monika Kryemadhi
Monika Kryemadhi është konfirmuar si kryetare e Lëvizjes Socialiste për Integrim, proces i zhvilluar një ditë më parë.
Ashtu sikundër është raportuar, këto zgjedhje do të ishin për rikonfirmimin e Kryemadhit, pasi nuk kishte konkurrentë në garë.

Komisioni Zgjedhor pranë LSI-së, bën me dije nga 44.413 anëtarë, votën pro e kanë dhenë shumica prej tyre dhe vetëm 1302 zgjedhës votuan kundër dhe 304 vota rezultuan të pavlefshme.

Deklarata nga Komisioni Zgjedhor në LSI:

Ju bëjmë me dije, se për shkak të ndalimit të qarkullimit prej 22:00-06:00 materialet zgjedhore për disa qendra votimi jashtë qarkut të Tiranës janë dorëzuar pranë Komisionit Qendror të Zgjedhjeve gjatë paradites së sotme.

Bazuar në tabelat përmbledhëse të rezultateve, konfirmojmë se ka përfunduar procesi i numërimit të fletëve të votimit për kryetarin e Lëvizjes Socialiste për Integrim.

Nga rezultatet e administruara kanë votuar 44.413 anëtarë nga të cilët 42.807 votuan pro kandidatit për kryetar të Lëvizjes Socialiste për Integrim, zonjën Monika Kryemadhi. 1302 zgjedhës votuan kundër dhe 304 vota rezultuan të pavlefshme.

Bazuar në rezultatet e mësipërme Komisioni Qendror i Zgjedhjeve shpall kryetare të Lëvizjes Socialiste për Integrim, Monika Kryemadhin.

Vijon ende procesi i numërimit të votave për delegatët e Konventës Kombëtare, rezultati i cilit do të shpallet menjëherë pasi KQZ të njihet me tabelat përmbledhëse të rezultatit për çdo qendër votimi.

Një falenderim i veçantë i shkon anëtarëve të komisioneve të qendrave të votimit për menaxhimin e një procesi në përputhe me rregulloren, urdhrat dhe udhëzimet e Komisionit Qendror të Zgjedhjeve. Inkurajojmë grupet e numërimit për të nxjerrë sa më shpejt rezultatin për ekipin fitues të Lëvizjes Socialiste për Integrim.
Shtuar më 22/11/2020, ora 14:32

Shkruani komentin tuaj!
Të fundit nga kjo kategori