Zërat dhe thirrjet e forta të ardhura nga varrezat i tmerruan gjatë natës banorët e lagjes aty pranë në qytetin Aydin të Turqisë.

Ata njoftuan menjëherë policinë pasi për orë të tëra dëgjuan një zë që vinte ngë varrezat që thërriste për ndihmë.

Fjala u përhap vesh më vesh sa që u kthye në një legjendë brenda qytetit me banorë që u mblodhën gjatë orëve të para të mëngjesit për ta dëgjuar edhe ata me veshët e tyre zërin misterioz që vinte nga varrezat, raporton Albeu.com.

Ardhja e policisë duket se i dha përgjigje edhe habisë së banorëve. Ata gjetën në një gropë me thellësi 20 metra një të ri, i cili ishte rënë aty ndërkohë që kërkonte një thesar.

Gropa ishte hapur më parë dhe sipër saj ishte vendosur një skarë hekuri për të penguar rënien e njerëzve, por i riu kishte dëgjuar se aty kishin fshehur një thesar dhe gjatë natës kishte hyrë për ta gjetur atë.

Diçka shkoi keq dhe ai ra në gropë duke shkaktuar panik tek banorët për disa orë me radhë. /albeu.com/