"Xhamadani vija-vija" 'çmend' ushtarët shqiptar (VIDEO)
Disa të rinjë me origjinë shqiptare shërbejnë në ushtrinë zvicerane, dhe ky nuk është një lajm I ri pasi shqiptarët në klëtë shtet janë në një numër të konsiderueshëm, e për rrjedhojë edhe janë përfshirë aktivisht në të gjitha sferat e jetës në këtë vend.

Në një video që po qarkullon në rrjetin social “Tiktok”, shihen pjesëtarë të ushtrisë të cilët këndojnë këngën, “Xhamadani vija-vija”.

Sipas gazetës “20 minuten” kënga konsiderohet si himni jozyrtar i Shqipërisë së Madhe, teksa në të thuhet: “Si fijet e kësaj xhakete, aq afër janë Kosova dhe Shqipëria. Oh sa e madhe është Shqipëria”. Nën hashtagun #sëissarmy videoja ka marrë rreth 1200 pëlqime.

Për këtë ka reaguar edhe zëdhënësi i ushtrisë së Zvicrës, Daniel Reist, i cili thotë se nuk ka marrë ndonjë sinjal për videon, por nuk e shikon si problem.

“Në këtë formë joformale në një makinë të mbyllur, kjo nuk na shqetëson.”-deklaroi Reist.

Ndërkohë, një tjetër zyrtar i ushtrisë zviceriane shtoi:

“Në ushtrinë tonë shërbejnë shumë qytetarë me pasaportë dhe shtetësi të dyfishtë. Pra është e qartë se ata do të sjellin kulturën e tyre në ushtri.”thotë Tibor Szvircsev Tresch, sociolog ushtarak në Akademinë Ushtarake (Milak) në ETH Cyrih.
Sipas Tresch, nëse himni do të ishte kënduar në publik, kjo ndoshta mund të ketë pasoja disiplinore. Të tilla si në pranverën e vitit 2015, kur ushtarët në transportin publik pozonin me flamurin shqiptar.
Shtuar më 12/09/2019, ora 21:53
Shkruani komentin tuaj!
Të fundit nga kjo kategori