Një ngjarje e rëndë ndodhi një ditë më parë në Tiranë, ku një djalë 7-vjeçar qëlloi për vdekje babanë e tij teksa luante bilardo.

Efektivi i FNSH-së, Roland Bicerri u vra aksidentalisht nga i biri, i cili i ka marrë armën e shërbimit dhe ka qëlluar . Ai është dërguar menjëherë për në spitalin e Traumës, por fatkeqësisht ka humbur jetën.

Efektivi në momentin e ngjarjes së rëndë ndodhej jashtë shërbimit por ka pasur me vete armën e zjarrit.

Në një lidhje për "Shqipëria live", miku i viktimës, Gert Zeneli, i cili tha se është “një humbje e madhe për të gjithë”.

“Është një humbje e madhe për ne. Ka qenë një djalë shembullor, i punës, i familjes dhe i shoqërisë”, tha Zeneli.

Ky i fundit shtoi se është e dhimbshme, “është vrarë nga gjëja më e shtrenjtë, gjaku i vet”.

“Është diçka shumë absurde. Nuk kishim as tre javë që ishim takuar me Rolandin”, tha miku i të ndjerit.