Vjedhja e naftës nga Albpetrol, arrestohet shefi i policisë së Patosit
Arkiv
Shefi i postës së policisë së Patosit, u arrestua sot nga Njësia Task Force Antikorrupsuon në prokurorinë e Fierit. Lajmi njoftohet nga burime zyrtare të cilat thanë se në zbatim të urdhrërave të ekzekutimit të Prokurorisë të Rrethit Gjyqësor Fier, shërbimet e policisë kryen sot, më datë 18.01.2011, arrestimin e shtetasit Gerjan Kondi i datëlindjes 14.08.1976, lindur dhe banuesFier, me detyrë shef i postës se policisë Patos, prane Drejtorisë së Policisë Fier, si dhe shtetasin Vladimir Çilotaj i datëlindjes 12.9.1968, lindur dhe banuesFier, administrator i shoqërisë “Lladi 2008” me qëndër në Fier.

Arrestimi i tyre u krye në kuadër të hetimeve disa mujore të kryera nga Prokuroria e Rrethit Gjyqyësor Fier, për veprat penale “Vjedhje duke shpërdoruar detyrën”, “vjedhje në bashkepunim” më shumë se një herë me pasoja të rënda”, “pastrimi i produkteve të veprës penale”, “sigurimi i mjeteve për vjedhje” dhe “përvetësimi i mallrave të vjedhura” , parashikuar nga nenet 135, 134/3 -25, 142, 287 dhe 287/b të Kodit penal. Të arrestuarit, në mënyrë të vazhdueshme realizonin vjedhje të karburanteve të llojit naftë bruto në pronësi të Albpetrol-sha Fier.

Hetimet vazhdojnë, pasi dyshohet për përfshirje në aktivitet kriminal dhe të personave të tjerë për të cilët po bëhen hetime nga Prokuroria e Rrethit Gjyqësor Fier. Ndaj shtetasve të arrestuar është vendosur masa e sigurimit arrest në burg.
Shtuar më 18/01/2011, ora 16:00

Shkruani komentin tuaj!
Të fundit nga kjo kategori