Publicisti Ardian Klosi është gjetur i vetëvarur në banesën e tij pranë Liqenit Artificial në Tiranë, njofton Portali Albeu.com.

Sipas burimeve policore, ngjarja ka ndodhur rreth orës 20:00, ndërsa sipas të njëjtave burime, kjo është ishte tentativa e tretë e Klosit për vetëvrasje brenda dy muajve të fundit.

Mësohet se publicisti ka lënë një mesazh për bashkëshorten e tij, shtetase gjermane me profesion fotografe.

Siç kemi raportuar edhe më parë, Ardian Klosi ka tentuar muajve të fundit edhe dy herë të tjera të vetëvritje, njëherë duke pirë ilaçe dhe një herë tjetër duke prerë damarët.

Pas kësaj, Klosi u trajtua në psikiatri për më shumë se një muaj.

Ka disa muaj që Klosi ishte tërhequr nga aktivitetet e tij publike, si publicist, analist letrar dhe përkthyes. /albeu.com/