COVID 19: Vdesin edhe dy persona në Kosovë, për njërin pritet rezultati i testit

Kanë vdekur edhe dy persona me COVID-19 në Kosovë, duke çuar numrin e përgjithshëm në 39.

“Klinika e Pulmologjisë e Qendrës Klinike Universitare të Kosovës ka njoftuar se sot më 22 qershor 2020, në orët e vona të pasditës në këtë klinikë kanë vdekur dy pacientë”, thuhet në njoftimin e QKUK-së.

Njëri është nga Gjilani, e tjetri nga Prishtina, transmeton KOHA.

“Pacienti i parë, Xh.R. (1946) nga komuna e Gjilanit, përveç sëmundjeve të tjera, ishte i diagnostikuar edhe me Covid-19. Pacienti i dytë që ka vdekur, I.B.(1949) nga komuna e Prishtinës, në Klinikën e Pulmologjisë është pranuar sot pasdite dhe i është marrë mostra për testim për Covid-19 dhe mbetet të konfirmohet nga laboratori nëse i njëjti kishte edhe Covid-19 apo jo, krahas dy sëmundjeve të tjera shoqëruese”, thuhet në njoftim.


Shtuar 22.06.2020 20:05