Vëllai i Admir Muratajt nga burgu: Rinasi nuk ka aq kamera...(VIDEO)
Aleksandër Murataj ka mohuar faktin se vëllai i tij, Admir Murataj ka qenë organizator i supergrabitjes së 10 mln euro.

Në një lidhje telefonike për Report Tv nga burgu 313, ai ka shprehur shqetësimin se nuk i lejohet që të jetë pjesë e varrimit të vëllait të tij, e teksa u shpreh se hera e fundit që e ka takuar ka qenë rreth 2 muaj para arrestimit të tij.

"Kemi kryer procedurat për të marrë pjesë në varrim, por Drejtoria e Përgjithshme nuk na lejon. Kam vite që nuk e kam takuar vëllanë, kam 2 vite në burg. E kam parë vëllanë tij një muaj ose 2 muaj e gjysmë para se të arrestohej. Sekuestrimin e pasurisë e kanë bërë para se të më arrestonin mua. Di sa shoh nga lajmet për vëllanë tim, që të jesh organizator dhe të vritesh nga policia apo nga tjetri, një që ka logjik nuk e quan organizator. Unë di vetëm që është vrarë, s'di kush e ka vrarë. Nuk vritet njeriu sepse do policia. Unë kam jetuar 23 vite në emigracion. S'kam asnjë lidhje me Admirin ", u shpreh Murataj.

Ndër të tjera Murataj ka folur edhe për lajmet kui thuhej së në shtëpinë e vëllai të tij të vrarë ka kamera të shtrenjat me rezolucion tepër të lartë.

"As Amerika nuk i ka 300 mijë euro kamera. As në Rinas ku është siguria e lartë nuk i kanë 300 mijë euro kamera. Në Rinas nuk kan as 10 mijë euro kamera. Shkoni e shikojini". ka thënë ndër të tjera Aleksandër Murataj. /albeu.com/
Shtuar më 12/04/2019, ora 12:21
Shkruani komentin tuaj!
Të fundit nga kjo kategori