Valteri bën akuzën e fortë: Bizneset që kanë lidhje me politikanët mbajnë pishinat hapur
Deputeti Halit Valteri i ka kërkuar kreut të Kuvendit Gramoz Ruçi të ndërhyjë për ndryshimin e aktit normativ që mbyll klubet e natës për shkak të pandemisë.

Ai tha se pronarët e bizneseve dhe pishinave që kanë miq i mbajnë hapur ato, ndërsa të tjerët rrethohen nga policia.

Akti normativ që ndalon lokalet me muzikë apo pa muzikë më bën që sot t’iu kërkoj juve të ndërhyni që të shikohet ky akti normativ dhe të bëhet një plan për të mbështetur këtë kategori.

Në Shqipëri sot ky akt normativ bëhet me seleksionim. Disa biznese që kanë lidhje me njerëz të fuqishëm i mbajnë bizneset dhe pishinat hapur. Të pamundurit sa hapin qepenët i shkojnë 20 policë te dera”.

“Kur marrim vesh që në botë organizohet Nobeli, në fund të gushtit mblidhen online krerët e botës, shpallet Reali kampion dhe tifozët rrinë në shtëpi. Askush nuk e do këtë. Të gjithë duan të jenë në stadium. Të lëmë emocionet. Kjo nuk varet nga qeveria”, u shpreh Ruçi.

Shtuar më 23/07/2020, ora 10:28

Shkruani komentin tuaj!
Të fundit nga kjo kategori