U hoq si të ishte mbesa e së ndjerës, si Tire Alldervishi mashtroi edhe personelin
Të tjera detaje zbardhen nga skema e mashtrimit të sanitares te "Shefqet Ndroqi". Tire Alldervishi jo vetëm që u hoq si infermiere dhe i mori vajzës së pacientes me COVID 8 milion lekë, por në anën tjetër është hequr dhe si të ishte mbesa e saj para personelit mjekësor.

Alldervishi ka dalë sot para gjykatës për masën e sigurisë. Gjykata pranoi kërkesën e Prokurorisë dhe vendosi 'arrest me burg' për Alldervishin për akuzën 'mashtrim me pasoja të rënda'.

Prokurori i çështjes, Bledar Valikaj, ka deklaruar në seancë se po zhvillohen hetime nëse kemi të bëjmë një skemë zhvatje ndaj të sëmurëve me COVID-19. Duke dhënë detaje ai është shprehur se Alldervishi ka kërkuar fillimisht 2 mijë lek vetëm për të futur telefonin.

Tirja i jepte kallëzueses edhe një liste me ilaçe që duhet të blinte për kurimin e së ëmës. Ajo në momente të caktuara ka kërkuar edhe 7 mijë lek, madje i cilësonte pak.

Në funksion të hetimeve, prokurori bëri me dije se do të sekuestrohen në vijim kartelat shëndetësore tek "Shefqet Ndroqi".


Shtuar më 14/01/2021, ora 10:59

Shkruani komentin tuaj!
Të fundit nga kjo kategori