U ekzekutuan teksa tymosnin cigare, shoqërohen në polici 12 persona
Dorian Shkoza dhe Anxhelo Avdia janë viktimat e atentatit mafioz të ndodhur ditën e djeshme në Durrës.

Të rinjtë u qëlluan për vdekje me breshëri kallashnikovi nga një makinë në lëvizje, teksa qëndronin së bashku në trotuar duke konsumuar cigare.

Shkoza mbeti i vdekur në vend ndërsa Avdia ndërroi jetë sapo mbërriti në spital .

Ditën e djeshme u njoftua se një makinë u gjet e djegur në afërsi të Rrogozhinës, e cila dyshohet se mund të jeti mjeti i përdorur në krim.

Sot mësohet se rreth 12 persona janë shoqëruar në komisarit nga policia.

Ende nuk ka asnjë detaj mbi personat e shoqëruar. Hetimet për atentatin e dyfishtë janë fokusuar në trafikun e lëndëve narkotike dhe te biznesi privat që kishte 35-vjeçari Dorjan Shkoza. Ky i fundit mësohet se disa vite më parë ka qenë i dënuar me burg për trafik të lëndëve narkotike, çka dyshohet të jetë edhe shkak për ngjarjen.

Po ashtu, nuk është përjashtuar as ndonjë konflikt lidhur me biznesin e tij, një servis që shërben për lyerjen e makinave në Rrashbull të Shkozetit, shumë pranë vendit ku ndodhi ngjarja.


Shtuar më 03/03/2020, ora 09:23

Shkruani komentin tuaj!
Të fundit nga kjo kategori