Turkish Airlines shitet tek Qatar Airways, ç'do të ndodhë me Air Albania?
Mediat ndërkombëtare, përfshirë edhe vetë ato turke janë duke njoftuar për shitjen e 49 për qind të aksioneve të kompanisë shtetërore turke të fluturimit Turkish Airlines tek Qatar Airways.

Fillimisht lajmi u njoftua përmes një postimi në Twitter nga një ekspert i fluturimeve si Harry Theocharous duke iu referuar një deklarate të shefit të gjigantit kataras, Akbar Al Baker.

Më pas, edhe mediat turke filluan të njoftonin mbi këtë shitje, por të qënit një javë para zgjedhjeve lokale në Turqi, bëri që ndaj këtij lajmi të reagojë zyrtarisht edhe kompania turke Turkish Airlines, e cila momentalisht mohoi çdo tratativë për shitje të aksioneve.

Sipas "turkishminute", Qatar Airways do të blejë 49 për qind të aksioneve të Turkish Airlines dhe gjithçka do të realizohet pas zgjedhjeve pasi qeveria i frikësohet një ndikimi të këtij transaksioni në rezultatin e zgjedhjeve.

Turqia dhe Katari kanë marrëdhënie të ngushta me njëra-tjetrën dhe gjatë viteve të fundit ishulli i ka mundësuar milirda dollar borxh qeverisë turke.

Gjithashtu, pak muaj më parë familja mbretërore e Katarit i dhuroi Erdoganit një avion luksoz Boeing 747.

Kjo ishte një dhuratë mjaft e shtrenjtë dhe ato pak gazetarë që mund të flasin lirshëm tani në Turqi i frikësohen faktit se kjo situatë mund të sjellë shitjen e Turkish Airlines tek Qatar Airëays si një formë e kthimit të borxheve dhe dhuratave të marra.

Shitja e Turkish Airlines ka shumë rendësi edhe për Shqipërinë pasi qeveria shqiptare i ka dhënë të drejtën kompanisë turke që të ngrejë Air Albania-n, e cila deri më tani është vetëm në letër.

Mbetet për t'u parë se si do të ndikojë kjo shitje tek Air Albania, e cila deri më tani nuk ka mundur ende të nisë fluturimet. /albeu.com/
Shtuar më 22/03/2019, ora 10:15
Shkruani komentin tuaj!
Të fundit nga kjo kategori