Në Angli është kthyer në një trend të frikshëm dhe të çuditshëm grabitjet e shumta që po i ndodhin lojtarëve të njohur.
Këta të fundit kanë zgjedhur në pjesën dërrmuese që ta mbrojnë shtëpinë e tyre me qen, për ta pasur disi më të sigurtë.
Por ajo e ndodhur në mbrëmjen e djeshme i kalonte kufijtë.
Liverpuli solli në shtëpi trofeun e “Premier League” pas shumë vitesh dhe Klop foli i prekur për mungesën e tifozëve që nuk mund të festonin.
Ndërkohë teksa po vazhdohej nga lojtarët që t’i gëzoheshin arritjes, Fabinho po grabitej nga ana tjetër.
Disa stoli ari dhe vetura e llojit Audi RS6 janë marrë nga grabitësi, me makinën që ditën tjetër u gjend në Wigan.
Tashmë po ekzaminohen të gjitha objektet me vëmendje dhe po merren kamerat e sigurisë në zonat përreth.
