Një çantë shpinë vuri në alarm policinë e Tiranës dhe forcat xheniere.
Burimet për albeu.com bëjnë me dije se çanta e braktisur e cila u gjet në rrugën “Mustafa Matohiti”, ose ndryshe në “Rrugën e Salës” nuk kishte asgjë të rrezikshme dhe vetëm sende personale.
Çanta në fjalë e cila u pikas fillimisht nga një punonjës policie, mbajti 1 orë në ankth policinë dhe banorët e zonës.
Brenda çantës mësohet të ketë pasur vetëm veshje, mbeturina, karikues dhe atlete.
NJOFTIMI I POLICISË:
Tiranë/Informacion paraprak
Më datë 07.09.2021, rreth orës 09:15, njoftohemi nga punonjësi i policisë në shërbim se në rrugën “Mustafa Matohiti”, është konstatuar një çantë shpine.
Sherbimet e Policisë kanë bërë rrethimin e vendit dhe kanë njoftuar forcat xheniere për veprime të metejshme.
Paraprakisht dyshohet se është një çantë e braktisur. /albeu.com/
