Tha se e dhunuan aktorët e Teatrit, Kastriot Çipi i hakërrehet keq Laert Vasilit (VIDEO)
Aktori Laert Vasili postoi njw video tw prerw me tw cilwn pretendonte se është dhunuar fizikisht nga disa aktorë pjesë e Aleancës për Mbrojtjen e Teatrit, duke përmendur veçanërisht regjisorin e njohur Robert Budina.

Lidhur me këtë situatë ka reaguar edhe regjisori Kastriot Çipi, i cili ironizon Vasilin.

“Idea nuk ishte e keqe. Fundja, dikush, që pas rrahjes është bërë ministër, mund të ketë aq mirëkuptim, sa të të bëjë drejtor teatri në Durrës.

Por realizimi le shumë për të dëshiruar… Proteza ortopedike përdoret për thyerje qafe, jo për ngulje thonjsh…
Dëgjo këshillën time: ke më shumë shanse nëse hiqesh si viktimë e dhunës për shkak të orientimit seksual. Të mbrojnë edhe ndërkombëtarët”, shkruan Çipi.

Në videon e publikuar prej tij, aktorët ankohen se Vasili ka grisur posterat, ndërsa Vasili e mohon këtë, ndërsa i drejtohet Budinës duke thënë se “nuk ua kam borxh këtë që po më bëjnë”, ndërsa Budina shprehet se “kemi dy vjet këtu…”.

Regjisori Budina i kontaktuar me telefon nga “Panorama” tha se nuk preferon të komentojë mbi rastin, duke mos e mohuar atë çka ka ndodhur.

Pjesë nga debati:

Aktorët: A mund të më thuash pse e grise kartelën

Vasili: Mos më prek mua me dorë se nuk ke surrat ti të më prekësh me dorë se çfarë kam bërë unë për Shqipërinë ti se ke parë në ëndërr

Robert Budina: Ik Laert, ik se ke pirë

Lart Vasili: Berti nuk ta kam borxh këtë, këtë provokim nuk ta kam borxh. Berti të kam ndihmuar Berti. Kam respekt këtu për Edmond Budinën dhe asnjë tjetër.

Robert Budina: Ti e ke grisur atë?

Lart Vasili: Kush ta grisi ty më? Ik se nuk keni punë të bëni, por kam respekt për Budinën

Edmond Budina: Nuk ka nevojë të kesh respekt, nëse e ke grisur Laert nuk ka nevojë të kesh respekt për mua. Ik mos më kap mua me dorë. /albeu.com/
Shtuar më 22/12/2019, ora 19:19

Shkruani komentin tuaj!
Të fundit nga kjo kategori