Tërmet në Maqedoni
Një tërmet me fuqi prej rreth 4,2 ballë sipas shkallës sizmike evropiane është ndjerë sot në pjesën perëndimore të Maqedonisë dhe në një pjesë të Kosovës, transmeton INA njoftimin e Observatorit sizmologjik të Maqedonisë.

Epiqendra gjendet 59 kilometra në jug-perëndim të Shkupit, 9 kilometra larg Zajazit. Ora zyrtare e tërmetit është 10:45 minuta, ndërsa thellësia e dridhjeve është 12 kilometra.

Ky është tërmeti i dytë brenda gjashtë ditëve që po e dridh Shkupin, pas atij me intensitet prej 3,4 ballësh që ishte me epiqendër 7 kilometra në perëndim të kryeqytetit.

Tërmeti i sotëm është ndjerë edhe në Tetovë dhe Gostivar. Epiqendra e këtij tërmeti ka qenë 5 kilometra larg Tetovës, ku sipas hartës së dhënë nga qendra sizmologjike evropiane epiqendra e këtij tërmeti ka qenë afër fshatit Kamenjan të Komunës së Bogovinës.
Shtuar më 15/05/2011, ora 17:03

Shkruani komentin tuaj!
Të fundit nga kjo kategori