"Takimin do ta bëjmë jashtë", Shqipja bën deklaratën e papritur për ish-konkurrentin (FOTO LAJM)

Debatet e krijuara në studio rreth një javë më parë, sollën në përjashtimin e Shqipe Hysenaj nga emisioni i “Për'Puthen”. E gjitha nisi pas takimit të Teas dhe Gracianos.

Shqipja ishte kundër orientimit seksual të djalit e për këtë arsye u nervozua së tepërmi me Tean, duke degjeneruar më pas në sharje e fyerje.

Pas saj, Brati është konkurrenti më i fundit që largohet nga emisioni “Për'Puthen”.

Ai tha se ka nisur të ketë ndjenja për Shqipen, prandaj nuk dëshiron të qëndrojë në emision. Largimi i tij u shoqërua me disa polemika, pasi djali nga Kosova u përfshi në disa debate me konkurrentët e tjerë.

"Më pëlqen Shqipja, kam ardhur për Shqipen, kam pas ndjenja dhe vazhdoj t’i kem dhe kërkoj të largohem nga emisioni sa kohë që ajo nuk është", u shpreh ai.

Pas kësaj deklarate Shqipja nuk ka heshtur, por ka reaguar në rrjetet sociale që tani është jo pak e ndjekur.

"Ti je personi më i vërtetë pas meje. U tregove burrë se erdhe për mua dhe ike po për mua. Le të shpifin, e vërteta gjithmonë del, por unë ende s'kam folur. Takimin tonë do ta bëjmë jashtë", shkruan Shqipja duke i dërguar edhe një puthje virtuale Beratit.

Nuk e dimë se sa do na informojnë ish-konkurentët për marrëdhënien e tyre të ardhshme, por tashmë ata nuk janë më personazhe televiziv./albeu.com/
Shtuar më 29/10/2020, ora 11:42

Shkruani komentin tuaj!
Të fundit nga kjo kategori