SKANDALOZE/ "Blue Panorama" e bën rrugë, sorollat shqiptarët nëpër aeroporte (FOTO LAJM)

Është një situatë kaotike apo që po ndodh me fluturimet nga Shqipëria në drejtim të Italisë dhe anasjelltash që prej mëngjesit të sotëm me kompaninë "Blue Panorama".

Udhëtarë që kishin planifikuar të niseshin në orën 17:00 për në Verona i kanë shkruar redaksisë së Albeu.com se janë njoftuar nga kompania se fluturimi është shtyrë për në orën 18:40 pa dhënë asnjë shpjegim tjetër.

Në kushtet kur nuk kanë zgjidhje tjetër, udhëtarët janë të detyruar të presin në aeroport, ndërkohë që e njëjta situatë është përsëritur gjatë paradites së sotme nga Milano për në Tiranë.

Ndërkohë, edhe udhëtimi i mëngjesit të sotëm për në Milano është shtyrë për në mesditën e sotme, ku në orët e para të mëngjesit kompania u ka thënë udhëtarëve se duhej të zgjidhnin një mes Bergamos dhe Torinos për të fluturuar dhe jo Milanon.

Udhëtimi është kryer me më shumë se 5 orë vonesë mesditën e sotme, ndërsa taksirati u ka rënë udhëtarëve të Veronas që të presin deri kur kompania të gjejë avionët për dërgimin e tyre në destinacion.

Zoti mos e thënte, por me këtë ç'akordim dhe rrëmujë në administrimin e situatës, urojmë që vonesat të jenë i vetmi problem i kësaj kompanie! /albeu.com/
Shtuar më 03/07/2018, ora 17:21

Shkruani komentin tuaj!
Të fundit nga kjo kategori