Skandali me vjedhjen e 2 milion eurove, zv-kryeministrja heq nga puna këshilltaren
Zëvendëskryeministrja e Kosovës, Albulena Balaj-Halimi ka shkarkuar nga detyra këshilltaren e saj, Hajrie Gashin pasi për të u tha se babai i saj dyshohet se ka përfituar nga 2 milionë eurot e vjedhura nga Thesari i Shtetit.

Lajmin e ka bërë të ditur vetë zëvendëskryeministrja përmes një postimi në Facebook.

"Pas raportimeve në media se prindi i këshilltares sime Hajrie Gashi është i përfshirë në vjedhjen e mbi 2 milion eurove, kam marrë vendim që znj Hajrie Gashi, me efekt të menjëhershëm, t’a liroj nga detyra e këshilltares.

Znj Hajrie që nga fillimi ka qenë ndër këshilltaret e përkushtuara jashtë mase dhe me sukses ka kryer të gjitha detyrat e ngarkuara nga unë”, ka shkruar Balaj-Halimi.

Postimi i plotë:

Pas raportimeve në media se prindi i këshilltares sime Hajrie Gashi është i përfshirë në vjedhjen e mbi 2 milion eurove, kam marrë vendim që znj Hajrie Gashi ,me efekt të menjëhershëm, t’a liroj nga detyra e këshilltares.
Znj Hajrie që nga fillimi ka qenë ndër këshilltaret e përkushtuara jashtë mase dhe me sukses ka kryer të gjitha detyrat e ngarkuara nga unë!

Edhe pse jam e vetëdijshme që askush nuk duhet të mbahet përgjegjës për veprimet e familjarëve të tij, në këtë rast të saj, për shkak që kemi të bëjmë me një krim shumë të rëndë, lirimin e saj nga detyra e shoh si të domosdoshëm.

Këtë vendim e kam marrë për të hequr çdo dyshim para qytetarëve se funksioni i lartë i këshilltares do të mund të përdorej për pengim të drejtësisë!
Shtuar më 22/10/2020, ora 10:49

Shkruani komentin tuaj!
Të fundit nga kjo kategori