Situata e tensionuar me Ramën, Meta largohet nga Shqipëria
Presidenti Meta nuk dekretoi Sandër Lleshin si Ministër të Brendshëm dhe kjo ka shkaktuar tensione mes tij dhe kryeministrit të Shqipërisë, Edi Rama.

Por teksa situata zien dhe Rama deklaroi se në seancën e sotme do të ketë disa zhvillime të rëndësishme për këtë cështje, Meta është larguar nga vendi.

Presidenti i Republikës, Ilir Meta ka nisur sot vizitën zyrtare në Kalabri të Italisë, në kuadër të Vitit Mbarëkombëtar të Heroit tonë, Gjergj Kastriotit, Skënderbeut.

Gjatë kësaj vizite, Kreu i Shtetit shqiptar, do të takohet me Presidentin e Republikës Italiane, Sergio Mattarella dhe së bashku do të vizitojnë Kolegjin e Shën Dhimitër Koronës, ku do të takohen me arbëreshët, përfaqësuesit dhe autoritetet e tyre vendore, drejtuesit e bashkësive fetare arbëreshe, personalitete të ndryshme, pedagogë, studentë arbëreshë. /albeu.com/
Shtuar më 06/11/2018, ora 09:21

Shkruani komentin tuaj!
Të fundit nga kjo kategori