Shqiptarët që luftojnë kundër regjimit të Bashar al Assad (VIDEO)
Në Siri ka shqiptarë që luftojnë kundër regjimit të presidentit Bashar al Assad, por se këta shqiptarë nuk janë pjesë e rebelëve, por e grupeve radikale fondamentaliste që luftojnë për rrëzimin e presidentit Assad dhe për ngritjen e një shteti islamik. Dëshmia vjen nga Ahmad Trad, ish–pilot i ushtrisë siriane, i cili përmes një lidhje telefonike me drejtuesit e emisionit “Wake Up” njoftoi se ai tashmë është pjesë e luftëtarëve anti-Assad të Ushtrisë për Sirinë e Lirë, që lufton në periferi të qytetit të Idlebit.

Prej kohësh kanë qarkulluar në media lajme për shqiptarë që luftojnë kundër Assad në Siri. Mendohet se janë mbi 500 dhe mes tyre ka pasur edhe viktima. Por tashmë vjene dhe hipoteza konfirmimi se ata janë përfshirë në këto grupe fondamentaliste islamike të cilat mund të kenë një qëllim përfundimtar të ndryshëm nga ushtria për Sirinë e Lirë. /albeu.com/
Shtuar më 04/09/2013, ora 12:00
Shkruani komentin tuaj!
Të fundit nga kjo kategori