Shqiptarët nuk heqin dorë nga dasmat, gjobiten me nga 1 mln lekë 4 pronarë restorantesh
Policia e Fierit ka gjobitur administratorët e katër restoranteve në kuadër të moszbatimit të masave të vendosura në kuadër të pandemisë.

Mësohet se janë ndëshkuar me nga 1.000.000 lekë gjobë administratorët të këtyre subjekteve, shtetasit me iniciale R. N., A. T., V. P. dhe K. K., të cilët lejuan ushtrimin e aktiviteteve të ndryshme si dasma etj.

Njoftimi i policisë

Policia e Fierit ka ndëshkuar me nga 1.000.000 lekë gjobë, administratorët e katër restoranteve, pasi u konstatuan duke ushtruar aktivitet në kundërshtim me Aktin Normativ.

Shërbimet e Komisariatit të Policisë Fier, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë konstatuar katër restorante në të cilët ishin organizuar ceremoni martesore në kundërshtim me Aktin Normativ, duke mos respektuar protokollet e sigurisë.

Shërbimet e Policisë i kanë vendosur administratorëve të këtyre subjekteve, shtetasve R. N., A. T., V. P. dhe K. K., masën administrative 1.000.000 lekë secilit.

Policia e Fierit apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
Shtuar më 10/08/2020, ora 09:05

Shkruani komentin tuaj!
Të fundit nga kjo kategori