Shqipëria renditet mes 10 vendeve me numrin më të lartë të azilkërkuesve në Britaninë e Madhe. Sipas Agjencisë për Refugjatë të Kombeve të Bashkuara, Shqipëria është në vendin e gjashtë nga numri i shtetasve që kërkojnë azil në Britani.

Sipas raportit nga janari deri në mars të këtij viti, numërohen rreth 1 326 shqiptarë që kanë kërkuar azil në këtë vend. Rruga që emigrantët ndjekin për të mbërritur në Britaninë e Madhe është Franca, dhe pikërisht shfrytëzimi i portit Calais, nga ku grupe të organizuara vërshojnë drejt Britanisë. /albeu.com/