Pas abetares mbarë kombëtare, Shqipëria dhe Kosova do të kenë edhe librin e Historisë Shqiptare dhe atë Gjuhës Shqipe të njëjtë. Sipas ministrit të Arsimit Myqerem Tafaj për n hartimin e këtyre librave janë ngritur komisionet përkatëse me ekspertë.

"Do të fillojmë me tekstin e gjuhës shqipe dhe të historisë, partneri ynë kryesor mbete Ministria e Arsimit, Shkencës dhe Teknologjisë së Kosovës. Ne në këto komisione do të ftojmë përfaqësues, studiues të universitetit të Tetovës, përfaqësues nga këshilli nacional i shqiptarëve i Malit të Zi dhe Luginës së Preshevës për të bashkërenduar gjithë punën që ka të bëjë me ofrimin e mësimit për fëmijët në diasporë", thotë Myqerem Tafaj, ministër i Arsimit.



Kreu i arsimit foli edhe për reformën e financimit në universitete, ku sipas tij është një reformë ashtu siç është planifikuar, projektuar nga ne në bashkëpunim me Bankën Botërore është krejtësisht në përputhje me prirjen e sotme në vendet e BE-së. /albeu.com/