Shpërthimi në zyrën e kryetarit, policia zbulon detaje
Një shpërthim plagosi mëngjesin e sotëm Kryetarin e Bashkisë Lushnjë dhe gjithashtu edhe sekretaren e tij.

Sipas informacioneve, Fatos Tushe është plagosur në shpatull dhe në këmbë ndërsa është nisur drejt Tiranës për mjekim më të specializuar.

Policia njofton se autori i dyshuar është identifikuar por nuk është kapur akoma.

NJOFTIMI

Sot, rreth orës 09:00, në zyrën e Kryetarit të Bashkisë Lushnjë, dyshohet se është hedhur një granatë dore dhe për pasojë është dëmtuar Kryetari i Bashkisë shtetasi F. T. dhe sekretarja e Bashkisë, shtetasja E. Q., të cilët ndodhen në spitalin e Lushnjës, nën kujdesin e mjekëve.

Nga veprimet e para hetimore dyshohet se autor i kësaj ngjarjeje është ish-shoferi i Kryetarit të Bashkisë, shtetasi G. S., i cili pasi ka hedhur granatën është larguar menjëherë nga ambientet e Bashkisë Lushnjë.

Forca të shumta policie të Komisariatit të Policisë Lushnjë, të DVP Fier, Renea e FNSH e Fierit po krehin zonën, me qëllim kapjen dhe arrestimin e autorit.

Grupi i posaçëm hetimor, me Specialistë nga Departamenti i Policise Kriminale ne Policine e Shtetit dhe DVP Fier, nën drejtimin e Prokurorisë po punon për zbardhjen e plotë të ngjarjes.
Shtuar më 31/12/2019, ora 10:31

Shkruani komentin tuaj!
Të fundit nga kjo kategori