Shpërndante kanabis në lokalin me qira, e pëson fieraku
Policia e Fierit ka sekuestruar 24 doza kanabis dhe arrestuar në flagrancë poseduesin e tyre.

Shtetasi M.B. shpërndante lëndë narkotike në doza në lokalin që kishte me qira, në fshatin Krutje të Lushnjës. Gjatë kontrollit ju gjetën 24 doza kanabis, të cilat janë sekuestruar në cilësinë e provës materiale.

Njoftimi i policisë

Seksioni për Hetimin e Narkotikëve godet një tjetër rast të shpërndarjes së drogave në formë dozash.

Sekuestrohen 24 doza kanabis, arrestohet në flagrancë poseduesi i tyre.

Specialistët e Seksionit për Hetimin e Narkotikëve në Drejtorinë Vendore të Policisë Fier, arrestuan në flagrancë shtetasin:

•M.B., 24 vjeç, banues në Lifaj, Lushnjë.

Në bazë të informacioneve të siguruara në rrugë operative se shtetasi M. B. shpërndante lëndë narkotike në doza në lokalin që kishte me qera në fshatin Krutje të Lushnjes, gjatë kontrollit të ushtruar, 24-vjeçarit ju gjetën 24 doza kanabis gati për shitje, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Lushnje për veprat penale “Prodhimi dhe shitja e narkotikëve” dhe “Nxitja për përdorimin e drogës”.
Shtuar më 09/08/2020, ora 11:24

Shkruani komentin tuaj!
Të fundit nga kjo kategori