Shokuese/Babai i Jonidës: S’më lanë ta shihja e s’di kë varrosa
Pasi u përcoll për në banesën e fundit, edhe i ati i së ndjerës që u vra nga i dashuri 65 vjeçar ka pranuar se ka qënë në dijeni të lidhjes së tyre, ndonëse ai ka qënë kundër. Përkundër tentativave për ndarje të vajzës së tyre nga biznesmeni, e reja jo vetëm që nuk kishte pranuar por edhe kshte kërcënuar me vetëvrasje.

29 vjeçarja që u gjet e vrarë në Golem, u përcoll dje për në banesën e fundit, por familjarët nuk u lejuan në asnjë moment që të hapnin arkivolin.

Babai i saj, Sefedin Çanaku, tregon se as në morg, as në shtëpi dhe as në varreza nuk është lejuar që të zbulojë të bijën, për ta parë për herë të fundit. Në një intervistë për gazetën “Panorama”, ai tregon se dyshimet e tij shkojnë deri aty, sa nuk e di se kë ka varrosur.

-Kur ka qenë hera e fundit që e keni parë vajzën tuaj?

"Për herë të fundit e pashë ditën kur doli nga shtëpia e gjallë, për të m’u kthyer e vdekur. As për së vdekuri nuk arrita ta shoh. Doli nga shtëpia të shtunën në darkë, rreth orës 21:00, dhe më pas as nuk kam folur dhe as nuk e kam parë më".

-Ju tha se ku po shkonte të shtunën, kur doli?

"Na tha që do të takonte Sokratin. Siç na thoshte gjithmonë. Por as se ku do të shkonte dhe as se sa do të rrinte e kur do të kthehej".

-Ai vetë erdhi ta merrte?

"Jo, ai nuk para vinte vetë këtu. Shumë rrallë. Dërgonte makina të ndryshme, njerëz të ndryshëm që ne nuk i njohim".

-Pra, ju keni qenë në dijeni të lidhjes që ajo kishte me 65 vjeçarin?

"Po, kemi qenë të gjithë në dijeni. Edhe pse pa dëshirën tonë, nuk kishim si ta ndanim nga ai. Atë kishte zgjedhur vetë".

-Sa kohë kishte vajza që ishte lidhur me këtë person?

"Kishte diçka më shumë se 3 vjet".

-Ai ishte i martuar?

"Po, i martuar dhe me fëmijë. Por thoshte që nuk jetonte më me të
shoqen. Jetonin ndarazi. Nuk ishin divorcuar zyrtarisht, por thoshte se do të niste procedurat e divorcit". /albeu.com/
Shtuar më 17/08/2016, ora 10:24
Shkruani komentin tuaj!
Të fundit nga kjo kategori