Një mjet është përfshirë nga flakët në dalje të qytetit të Fierit, pranë vendit të quajtur “Vija e Ngjalës”.

Ngjarja ndodhi gjatë mesditës të së dielës kur drejtuesi i automjetit tip “Mercedes Benz” vuri re tymin që po dilte nga makina. Ai doli menjëherë jashtë dhe shpëtoi mrekullisht nga flakët që dogjën makinën.

Sipas ekspertëve, shkak i zjarrit është bërë një shkëndijë elektrike në motorin e mjetit.

Në vendin e ngjarjes mbërriti policia dhe zjarrfikësja, e cila bëri të mundur fikjen e zjarrit.