Arrestohet për terrorizëm shqiptari në SHBA
Shqiptari Saimir Alimehmeti është arrestuar në banesën e tij në Nju York nën akuzën e terrorizmit dhe mbi të rëndon edhe mbështteja e organizatave me prirje radikale.

Alimehmeti akuzohet se kishte për qëllim luftimin për terroristët dhe se kishte mbledhur edhe municion në mbështtetje të organizatave terroriste.

CBS amerikane shkruan se dyshohet se shqiptari është pjesë e një celule terroriste.

Një agjent i fshehtë amerikan kishte zbuluar disa fakte tronditëse teksa e kishte shoqëruar për disa ditë.

Agjenti kishte zbuluar se shqiptari posedonte video të tmerrshme të ISIS ku tregohej sesi njerëz të organizatës në fjalë i prisnin kokën një të burgosuri.

Saimiri i kishte thënë agjentit se do të udhëtonte drejt Raqqas në Siri pasi ishte tanimë "pjesë e sistemit".

Alimehmeti i kishte shpjeguar se i kishte 2500 dollarë por se i duhej edhe një pasaportë.

Saimir Alimehmeti i kishte thënë gjithashtu agjentit se kishte patur ndërmend të ikte në Siri për të luftuar me ISIS-in por vëllai i tij ishte arrestuar në Shqipëri në vitin 2015. /Albeu.com/
Shtuar më 24/05/2016, ora 19:29

Shkruani komentin tuaj!
Të fundit nga kjo kategori