Rrodhi lëndë radioaktive, kompania ajrore shkakton panik në aeroport
Pëlqej
Një avion i Turkish Airlines ka shkaktuar panik në aeroportin e Budapestit në Hungari duke bllokuar për disa orë nisjen e pasagjerëve të tjerë.

BBC raporton se një një avion të Turkish Airlines i nisur nga Turqia për në Budapest është konstatuar lëndë radioaktive duke bërë që autoritetet të bllokojnë menjëherë atë repart ku ndodhej avioni për të kryer procedurat që parashikohen në raste të tilla.

Pas verifikimeve të bëra u konstatua se avioni i linjës së pasagjerëve kishte ngarkuar një konteiner, brenda të cilit kishte lëndë radioaktive.

Lënda në fjalë ka rrjedhur duke bërë që të detektohet nga siguria e aeroportit të Budapestit.

Lënda radioaktive po transportohej nga Rusia përmes Turqisë në Hungari, por që është bërë kryelajm i mediave botërore për shkak të skandalit të radioaktivitetit.

Mediat lokale kanë ngritur pyetjen se përse lënda radiokative u transportua me avion linje pasagjerësh dhe jo me avion të posaçëm kargo.

Kompania në fjalë është përzgjedhur nga qeveria shqiptare si partnere e Air Albania, e cila është krijuar vetëm në letra, por që nuk ka ende asnjë veprim konkret. /albeu.com/
Shtuar më 19/08/2018, ora 16:34
Shkruani komentin tuaj!
Të fundit nga kjo kategori