Rrëmbimi i inskenuar, vajza telefonoi nënën pasi e dëgjoi mes lotësh në intervistë
Detaje të reja janë zbuluar nga ngjarja që coi peshë ditën e djeshme Tiranën.

Dyshimet se një vajzë ishte rrëmbyer nga persona të maskuar dhe ishte marrë pa dëshirën e saj në një automjet ngriti në këmbë policinë e Tiranës, ndërkohë që në fakt ka rezultuar të jetë një lojë adoleshentësh.

Vajza me inicialet S.B po pinte kafe në një qendër tregtare me shokët dhe shoqet e klasës dhe pasi ka parë se ngjarja ka marrë përmasa gjigante, ka marrë telefonin e një polici privat të sigurisë brenda qendrës tregtare duke njoftuar nënën e saj.

Nëena e saj mes lotësh ka rrëfyer se 13-vjeçarja është me diabet dhe në ato momente duhej të ushqehej dhe të merrte insulinën.

Në fakt ka qenë dëshmia e motrës së vogël të vajzës që ka ngatërruar gjithcka. Vajza deklaroi se motrën e saj e morën me një makinë dy persona të maskuar ndërsa i vunë një pambuk në gojë për të humbur ndjenjat.

Vajza e mitur pritet të merret sërish në pyetje. /albeu.com/
Shtuar më 05/10/2019, ora 13:26

Shkruani komentin tuaj!
Të fundit nga kjo kategori