E FUNDIT/ Avokati i Tahirit rrëzon pretendimin e prokurorisë
Me rifillimin e mbledhjes së Komisionit të Mandateve në Kuvend, avokati mbrojtës i Tahirit ka filluar rreshtimin e argumenteve për të rrëzuar provat e paraqitura nga prokuroria.

Ndër të tjera ai kërkoi nga deputetët që të mos abuzohej me këtë çështje.

Ndërkohë Hajdari tha se prokuroria bazohet ndër të tjera edhe në një raport nga sistemi TIMS në të cilin thuhet se ish-ministri kidhte udhëtuar me makinën e tij me një prej personave që drejton grupin e Habilajve, por nuk vërteton nëse Tahiri ka qenë ose jo në makinë.

"Kërkesa është e pabazuar në ligj, Prokuroria është e detyruar në bazë të nenit 288 të kodit të procedurës penale që flet për autorizimin.

Kjo kërkesë nuk ka përmbajtur dy kushtet e ligjit në citimin provave është evidentë që nuk duhet të merren në konsideratë por nuk ka edhe dyshimin e arsyeshëm të bazuar në një akt për dhënien e autorizimin, jo më për bindje, nuk nisesh se pse është folur në Itali dhe është përmendur një emër dhe të akuzosh një person, por duhet ta provosh, qoftë në procesin e parë delikat për marrjen e arrestit, qoftë kur duhet të shkojë para drejtësisë, vlerën provës ia jep gjykata. Janë akte procedurali që ndihmojmë hetimin, përbëjnë vlerë të hetimit për aq sa ka filluar, ngutin dhe zhurmën nuk ka asnjë garanci të parashikuar nga dispozitat përkatëse,

Dy provat janë përmendur, një akt juridik mbi aktin e shitjes së Tahirit ndaj një personi që ka lidhje familjare të një shkallë shumë të lagët, ka vlerë vetëm për palët dhe për ata që e kanë nënshkruar.

Sistemi TIMS nuk tregon nëse Tahiri ka udhëtuar me këta persona, pyetje u bë e saktë kush janë këta persona? Nuk mund të vihet me një kërkesë për arrest pa përmendur dyshimin konkret dhe jo bindjen, domethënë që deputeti duhet të kryejë funksionet kushtetuese në mënyrë të qartë dhe të përgjigjet para drejtësisë vetëm kur ky këshill të jetë i bindur në prova apo dyshime të arsyeshme, sipas garancive që jep kushtetuta.

Nëse kjo garancia nuk gjykohet në këtë sallë, çfarë mund të thuhet për një individ që do garanci në një organ gjyqësor, që abuzon në mënyrë jo të ndershme me kërkesa që nuk kanë lidhje me Tahirin.

Ndërkohë të gjitha materialet që kishim në dispozicion nga mediat, kemi përkthyer fjalë për fjalë nuk ka asnjë implikim qoftë edhe të vetëm të Tahirit që tregon lidhje direkte, apo periferike, aksidentale, apo dyshime që mund të krijojnë bindje të organit në lidhje me veprimtarinë e atij grupi kriminal. Është për të ardhur keq që për një hetim që në 2016 për një grup kriminal, hetimi në Itali ka 4 vjet që behet, dhe u arrtit vetëm me arrestin në flagrance kur u jap droga, bëhet kaq urgjente, merret në hetim një deputet dhe vihet për më pak se 48 në Kuvend dhe kërkohet që seanca të ndahet në dy momente publike dhe jopublike, seanca duhet të ishte e gjitha publike se nuk ka asnjë provë që mund të ishte sekret i hetimit.

Arresti vendoset sipas ligjit vetëm atëherë kur masat e tjera nuk japin asnjë lloj vlerë dhe janë të papërshtatshme, këtë prokurori thotë se e bazon relacion, por konteksti ka të bëjë me dyshime të një personi që po hetohet.

Ne kemi sjellë disa praktika që përbëjnë precedentë për sistemin tonë të drejtësisë që quhen vendime unifikues që organet e drejtësisë duhet ti marrin si burime të padiskutueshme".,- tha Hajdari. /albeu.com/

Shtuar më 21/10/2017, ora 11:07

Shkruani komentin tuaj!
Të fundit nga kjo kategori