Rezoluta nuk parasheh bisedime për statusin
Ivor Roberts
ur bëhet fjalë për Kosovën, rezultatin më të mirë do ta jepte ideja për ndarjen e Kosovës, përkatësisht shkëmbimin e territoreve, për çka jam angazhuar në të kaluarën, ka deklaruar për BBC-në sot ish-ambasadori britanik në Beograd, Ivor Roberts.

“Madje edhe Grupi Ndërkombëtar i Krizave në raportin e tij të fundit flet për ndarjen, përkatësisht shkëmbimin e territoreve. Për mua kjo është zgjidhja më racionale dhe po të isha në vend të Jeremiqit do të angazhohesha për këtë në mënyrë energjike”, tha Roberts.

Roberts, i cili momentalisht është kryetar i kolegjit Trinity në Universitetin e Oxfordit, ha se në këtë moment është vështirë të thuhet me siguri se cili do të jetë hapi i ardhshëm pozitiv. Sipas tij, Perëndimi thjesht ka dëshiruar ta heqë nga qafa problemin e Kosovës, kurse njohja e saj dukej si zgjidhje më pak e dhembshme.

“Në prapavijë të gjithë kësaj është problemi se Serbia dëshiron të bisedojë me Kosovën vetëm për statusin. Prishtina nuk dëshiron fare të bisedojë për këtë, por është e lumtur të bisedojë për çështjet praktike. Në tekstin e harmonizuar të rezolutës për Asamblenë e Përgjithshme të KB-ve nuk shoh asgjë që do t’i shtynte palët të bisedojnë për atë që, nga këndvështrimi serb, është më e rëndësishmja”, tha Robets.

Ai theksoi se ka qenë i befasuar me vendimin e GJND-së në Hagë, duke shtuar se mendimi i kësaj gjykate e ka dobësuar pozicionin e Serbisë.

Ai përkujtoi se ka qenë në Serbi edhe para disa muajve, dhe theksoi se njerëzit nuk kanë biseduar me të gjithë kohën për Kosovën.

“mendoj se Serbia ka ardhur në përfundim se ardhmëria e saj nuk është në konfrontimin me faktorët ndërkombëtarë, ndonëse natyrisht jo të gjithë ata pajtohen me pavarësinë e Kosovës, por në bashkëpunimin me Bashkimin Evropian dhe me Amerikën. Supozoj se si kundërshpërblim do të lahtësohet avancimi i Serbisë drejt BE-së”, përfundoi Roberts. (albeu/koha)
Shtuar më 09/09/2010, ora 20:38

Shkruani komentin tuaj!
Të fundit nga kjo kategori