Ralf Gjoni "parashikon yjet": Pse Rama është i paqëndrueshëm dhe ja kalon Berishës në politikë
Deputeti Ralf Gjoni ditën e sotme nga foltorja e Parlamentit zbuloi arsyen pse kryeministri Rama ndryshon mendje shpejt.

Sipas tij, kjo ndodh pasi ai i përket shenjës së gafores, një shenjë kjo ndër më të paqëndrueshmet e horoskopit.

“Më vjen keq që Rama po e bën sport kombëtar politikën e tij, duke vënë minimasa për t’u hedhur hi shqiptare, në një moment që ne do të përballemi me një krizë globale. Kjo është një krizë e paprecedentë, që nuk lidhet vetëm me një krizë globale, por me çdo hallkë të ekonomisë. Kemi probleme në strukturë. Mirë bëni që hiqni taksat deri në 8 milionë lekë.

Më shqetëson që Rama nuk ka asnjë plan ekonomik për të menazhuar krizën, për të mbështetues biznesin e vogël. Nuk kam dakord me Hysenin e cila thotë se maska duhet mbajtur. E kam mbajtur gjatë gjithë vitit dhe prapë më zuri COVID-i. Rama merr vendime pa u konsultuar me ekspertët mjeko-ligjorë. Është gafore, prandaj ndryshon mendje. Madje vendos edhe gjoba, do të përballemi me inat popullor, prandaj ai kërkon fabula.

A e dini pse Rama është më i aftë për politikë se Basha, Ilir Meta dhe Sali Berisha? Sepse ai është piktor dhe krijon fabula. Sa malet i tha Meta Saliut për ditëlindje, edhe 10 vjet të tjera në kuriz të shqiptarëve. Edi Rama hap sherr me Ilir Metën, mban fjalë tek asambeja dhe flet për Ilir Metën. Na lodhët ka ardhur koha që të largoheni nga politika. Meta duhet të dorëhiqet nga posti i presidentit , dhe Rama të dorëhiqet para zgjedhjeve”.- u shpreh deputeti.
Shtuar më 15/10/2020, ora 12:00

Shkruani komentin tuaj!
Të fundit nga kjo kategori