Qosja: Serbia ta njohë Kosovën
Akademiku Rexhep Qosja, ka dhënë një prononcim me rastin e 15-vjetorit të çlirimit të Kosovës nga dhuna e përgjakshme dhe respresioni serb.

Ai u shpreh se Kosova ka qenë në fakt nën pushtimin serb që prej vitit 1912 dhe se shteti serb ka patur jo pak shtypës e jo më pak gjakatarë se vetë Millosheviçi.

Sipas Qoses, Kosova që prej 1999, kur u çlirua nga pushteti i sundimi i egër serb ka ndjekur një rrugë të vështirë deri në vitet që po jetojmë.

“Pamja e Kosovës, megjithatë është dukshëm më e mirë se ndonjëherë në historinë e saj”, tha Qosja.

Në fund, Rexhep Qosja tha se Serbia dhe Kosova po dakordojnë shumë gjëra përmes bisedimeve dhe tha se si kusht i këtyre bisedimeve, Serbia duhet ta njohë Kosovën si shtet të lirë e të pavarur. /dionis xhafa albeu.com/
Shtuar më 11/06/2014, ora 09:31

Shkruani komentin tuaj!
Të fundit nga kjo kategori