Qëlloi me armë zjarri drejt lokalit në Tropojë, arrestohet 35-vjeçari
Policia ka arrestuar një 35-vjeçar, të përfshirë në një ngjarje kriminale në fshatin Sopot të Tropojës.

Në pranga të policisë ka rënë shtetasi me inicialet G.Rr, që akuzohet për dy vepra penale. Në lidhje me ngjarjen, një tjetër person u kap një ditë më parë, kurse është në kërkim edhe një i ri.

Njoftimi i policisë:

Vijon puna për lokalizimin dhe kapjen e personave në kërkim.

Kapet dhe vihet në pranga një tjetër shtetas i shpallurkërkim si autor i dyshuar i ngjarjes së ndodhur në datën 25.05.2020, në fshatin Sopot.

35-vjeçari i shpallurkërkim për veprat penale “Vrasja e kryer me kapërcim të kufijve të mbrojtjes së nevojshme“ mbetur në tentativë dhe “Mbajtja pa leje e armëve dhe municionit luftarak”.


Efektivët e Komisariatit të Policisë Tropojë, në vijim të punës për lokalizimin dhe kapjen e personave të shpallurkërkim, në bazë të informacioneve të marra në rrugë operative, pas lokalizimit të vendndodhjes, bënë të mundur kapjen dhe arrestimin e shtetasit:

G. Rr., 35 vjeç, banues në fshatin Sopot, Tropojë.

Ky shtetas ishte shpallurkërkim, pasi Prokuroria e Rrethit Gjyqësor Tropojë, ka dërguar urdhrin për ndalimin e tij, si i dyshuar për veprat penale “Vrasja e kryer me kapërcim të kufijve të mbrojtjes së nevojshme“ mbetur në tentativë dhe “Mbajtja pa leje e armëve dhe municioneve luftarake”.

Më datë 25.05.2020 është qëlluar me armë zjarri në drejtim të një lokali në fshatin Sopot, ku ndodheshin shtetasit B. Rr. dhe G. Rr. Në përfundim të veprimeve hetimore janë identifikuar dhe shpallurkërkim autorët e dyshuar të kësaj ngjarjeje, shtetasit R. H. dhe G. K. Gjithashtu është shpallurkërkim shtetasi G. Rr., i cili është kundërpërgjigjur me armë nga brenda lokalit, pas konfliktit për motive të dobëta.

Ditën e djeshme është arrestuar një nga autorët e dyshuar të kësaj ngjarjeje, shtetasi R. H.

Ndërkohë, vijon puna për lokalizimin dhe kapjen e shtetasit G. K.

Materialet iu referuan Prokurorisë së Rrethit Gjyqësor Tropojë, për veprime të mëtejshme.
Shtuar më 19/01/2021, ora 14:02

Shkruani komentin tuaj!
Të fundit nga kjo kategori