Një person tentoi të grabistë ditën e djeshme një bankë të nivelit të dytë në Lushnje.

Ai u evidentua në kohë, dhe u kap por më parë qëlloi 6 herë me armë drejt derës së bankës.

Mësohet se i riu i cili tentoi grabitjen është një 25 vjeçar i quajtur Olcion Muço i cili aktualisht është ushtar në detyrë.

I riu ka rrëfyer se kishte aplikuar për një overdraft page, por kërkesa i ishte refuzuar nga banka.

Muça tha se kishte qenë në gjendje të vështirë psikologjike dhe se kishte konsumuar sasi të mëdha alkooli. Në këtë situatë ka shkuar në banesën e tij ku ka marrë një pistoletë të cilën e mbante pa leje dhe një maskë.

25-vjeçari tentoi të hynte në bankë, kur punonjësit po kryenin veprimet dhe klientët ishin larguar, por kur nuk hapi dot derën qëlloi 6 herë me armën e tij shkruan klantv. Pas rënies së alarmit u largua, por policia e arrestoi disa orë më pas.

25-vjeçari jeton me qira në lagjen “Xhevdet Nepravishta” të Lushnjës. Gruaja e tij nuk pranon të flasë në lidhje me ngjarjen. Fqinjët thonë e njihnin pak Muçën, pasi jetonte vetëm prej pak kohësh në këtë pallat.

Mësohet se çifti i dy fëmijëve jetonte në kushte të vështira ekonomike, ku edhe bashkëshortja ishte e papunë. /albeu.com/