Qazim Sejdinit i çuan arkivol, kërcënohet me jetë kryebashkiaku tjetër socialist
Pëlqej
Ndërkohë që FNSH ka zbarkuar tashmë në Elbasan pas rritjes së ndjeshme të kriminalitetit mes bandave dhe kërcënimit të kreut të bashkisë Qazim Sejdini, situata duket të jetë shpërthyese edhe në një tjetër bashki të madhe të vendit.

Bëhet fjalë për Durrësin, ku mësohet se një grup kriminal ka kërcënuar me jetë kryetarin e bashkisë, Vangjush Dako me argumentin se ai ishte duke mbështetur rivalët e tyre.

Ashtu si edhe Sejdini, të cilit sipas ish-kryeministrit Berisha i dërguan edhe arkivolin në shtëpi në shenjë kërcënimi duke e bërë që të marrë eskortë personal, mësohet se edhe Vangjush Dako ka rritur masat e sigurisë ndaj vetes.

Deri para zgjedhjeve, Dako ishte një njeri i afërt i Ramës duke marrë premtimin edhe për një post ministri, por gjërat ndryshuan kur në media dolën fakte se ai ishte përgjuar nga EULEX gjatë një bisede me personazhe të njohur të grupeve mafioze në Shqipëri. /albeu.com/
Shtuar më 14/02/2018, ora 15:40
Shkruani komentin tuaj!
Të fundit nga kjo kategori