Këngëtari Robert Berisha përflitet se është në një lidhje me modelen italiane, Maria Bove.

Thashethemet nisë pasi modelja publikoi në Instagram momente intime me këngëtarin, teksa putheshin në buzë.

Por burime për “Prive” thanë se Robert Berisha e Maria Bove nuk janë në një romancë dhe kanë kaluar vetëm disa orë nën shoqërinë e njëri-tjetrit.

Pas këtyre lajmeve, ish-bashkëshorti i Nora Istrefit na ka treguar se kush është dashuria e tij e vetme.

Ai publikoi një foto me vajzën, Renee teksa udhëtonin me makinë dhe u shpreh se vogëlushja është e vetmja dashuri e tij, ndoshta duke konfirmuar kështu se pamjet intime me modelen kanë qenë thjesht një lojë.

Pas ndarjes me Nora Istrefin, me të cilën ka edhe vajzën Renee, ai është përfolur për një romancë me modelen Jessica Kadiu.

Këngëtari i mohoi thashethemet pavarësisht deklaratave të Jessica Kadiut se kanë qenë në një lidhje.