Protestuesit nisen nga të gjitha rrethet, policia kërcënon shoferët
Protesta e thirrur nga opozita ka filluar "përgjigjet" e para, ku mësaohet se mijëra qytetarë po organizohen me autobuzë për të ardhur në Tiranë.

Deputeti Flamur Noka është shprehur nga Shkodra se janë nisur rreth 4000 mijë përsona.

"Sot është dita e qytetarëve e dinë ata si do shkojë." ka deklaruar ndër të tjera Noka.

Ndërkohë që kryetari i PD-së në Shkodër është shprehur: "Kemi pasur një organizim perfekt ndonëse shoferët e autobuzëve janë kërcënuar me gjoba dhe heqje patentash."

Burime nga PD lokale, konfirmojnë se vetëm nga Gjirokastra, janë nisur rreth 450 persona në drejtim të kryeqytetit, ndërsa në rang qarku, numri total përllogaritet diku tek 1000 persona.

Nga Kukësi burime bëjnë me dije se janë nisur rreth 1500 protestues, duke përfshirë dhe zonën e Hasit dhe të Tropojës. Shoferet e autobuzave në Kukës nuk kanë pranuar të vendosin postera të partise demokratike në xhamat e përparme të mjeteve.

Ndërkohë që një numër i konsiderueshëm qytetarësh janë nisur dhe nga qyteti i Beratit. Nga Dibra mësohet se janë nisur 6 mijë qytetarë, ndërsa nga Lezha 5 mijë.

Nga Elbasani dhe Durrësi nisja pritet që të bëhet më vonë, burime nga qyteti bregdetar thonë se do të nisen rreth 5 mijë persona.

Ndërkohë që në disa pika të ndryshme si në Fushëkrujë-Rinas, Shkodër apo në Fier ka pasur postblloqe të policisë, të cilat kryejnë kontrolle të ndryshme mbi mjetet. /albeu.com/
Shtuar më 16/02/2019, ora 08:27
Shkruani komentin tuaj!
Të fundit nga kjo kategori