Protestë në Bruksel: "Të bashkuar me Luginën e Preshevës"
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Shqiptarët e diasporës do të protestojnë sot në Bruksel me moton "Të bashkuar me Luginën e Preshevës". Protesta para institucioneve kryesore europiane pritet të ngrejë zërin e diskriminimit dhe represionit serb në tre komunat e banuar me shqiptarë Preshevë, Bujanoc dhe Medvegjë, si dhe do të dënohet akti i heqjes së dhunshme të lapidarit të UÇPMB-së në Preshevë, kërkesa për heqjen e lapidarit të xhandarmerisë serbe në Lluçan si dhe aktet e vandalizmave ndaj varrezave shqiptare në fshatrat e Bujanocit.

"Ne me këtë protestë do t`ia bëjmë me dije gjithë Evropës dhe botës se shqiptarët në ato troje, po përjetojnë ditë të rënda, duke iu mohuar çdo e drejtë dhe duke dënuar me notën më të madhe protestuese kundër klikës së kryekriminelit Millosheviç- Daqiç-Nikoliç, që me një ushtri të madhe, vodhën Lapidarin e dëshmorëve të UÇPMB-së, në mes të Preshevës, në mes të tokës shqiptare, por ajo tokë, ishte dhe do të mbetet shqiptare e dëshmorët, do të kujtohen përgjithmonë, sepse ata janë ngritur lart në flamurin tonë kombëtarë kuq e zi", theksojnë organizatorët, duke ftuar për pjesmarrje sa më masive të shqiptarëve të shtunën në mesditë pranë Place Schuman, para hyrjes së ndërtesës së Parlamentit Evropian.

Protesta organizohet nga Këshilli Kombëtarë i Mërgatës Shqiptare për Benelux, në bashkëpunim dhe përkrahje nga Shoqatat Humanitare "Lugina e Preshevës" dhe dega e saj në Bruksel, si dhe "Medvegja" – Zvicër. /albeu.com/
Shtuar më 09/02/2013, ora 10:53
Shkruani komentin tuaj!
Të fundit nga kjo kategori
 
Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian