Profesori amerikan punon për "Shqipërinë Natyrale"
Profesori i Universitetit Columbia-s, David Philips , i cili është njohës i mirë i çështjes shqiptare në Ballkan pohon se ka marrë një nismë për promovimin e idesë për krijimin e Shqipërisë Natyrale, njofton agjencia e lajmeve INA.

Projekti i tij i njohur si: "Projekti i Lagjes Shqiptare", me sa duket promovon integrimin e natyrshëm të Shqipërisë etnike në shumë fusha të jetës dhe njohjen e kësaj dukurie të pashmangshme nga komuniteti ndërkombëtarë.

Shikojmë përpara, thotë profesor Philips ndërkohë që ne kujtojmë të kaluarën, raporton korrespodenti i agjencisë së lajmeve INA në New York.

"Lidhja e Prizrenit është themeluar më 10 qershor, 1878 si përgjigje ndaj Traktatit të Shën Stefanit dhe Traktatit të Berlinit të cilat i kanë mohuar aspiratat kombëtare të shqiptarëve. Lidhja është krijuar për të mbrojtur shqiptarët nga serbët, malazezët dhe grekët. Ajo ka çuar në një periudhë të shtypjes së dhunshme kundër shqiptarëve në shekujt e 19 dhe 20", shprehet Philips.

Sot është ndryshe shton ai. “Me çlirimin e Kosovës dhe 100 vjetorin e Pavarësisë së Shqipërisë shqiptarët kanë bërë një kalim historik edhe duke sakrifikuar dhe rrezikuar brenda mundësive të tyre. Projekti i Lagjes shqiptare është projektuar për të mbështetur parimet e Lidhjes së Prizrenit. Në shekullin e 21, është e mundur që të integrohen të gjitha territoret shqiptare pa rishikimin e kufijve ose kryqëzimeve të dhunshme", shprehet profesori amerikan. /albeu.com/
Shtuar më 20/06/2012, ora 18:00

Shkruani komentin tuaj!
Të fundit nga kjo kategori