Protesta e ditës së premte para Ministrisë së Arsimit e Aleancës Kuq e Zi është zhvilluar pa leje. Ky është konstatimi i policisë së Tiranës, e cila ditën e sotme ka dërguar materialet hetimore në Prokurori për fillimin e procedimit penal për disa aktivistë të kësaj partie, të cilët sipas Policisë nuk kanë marrë leje sipas ligjit për tubimet.

Në procedimin e dërguar Policia shprehet se manifestimi i datës 4 Maj është i paligjshëm dhe kanë cënuar insitucionin e Ministrisë së Arsimit, duke hedhur sende të ndryshme në portën kryesore të këtij insitucioni.

Pas lajmit se djali i një politikani italian është diplomuar në mënyrë të dyshimtë në një Universitet shqiptar, përfaqësues dhe mbështetës të Aleanca Kuq e Zi protestuan të premten para Ministrise së Arsimit, ku kërkuan dorëheqjen e Ministrit Tafaj. /albeu.com/