Policia nxjerr pamjet, çfarë ndodhi mbrëmë te "njollat e zeza" (VIDEO)
Policia e Shtetit ishte ndalur edhe mbrëmjen e djeshme në aksin rrugor që të çon drejt Elbasanit, nga Sauku, duke ushtruar kontrolle me Radar në segmentet dhe akset e cilësuara njolla të zeza, përsa i përket ngjarjeve rrugore të ndodhura më parë.


“Prej orës 20.30 vijon kontrolli me radar për të parandaluar drejtuesit e mjeteve që e përdorin rrugën për të fluturuar dhe jo për të qarkulluar brenda limiteve që lejon sinjalistika rrugore”, shkruan Policia në videon bashkangjitur.

“Gjatë kontrolleve janë evidentuar shpejtësi gati eksterm, që varionin ga 160 km/h deri në 190 km/h, edhe pse rruga kishte fluks të plotë.

Të papranueshme arsyet e drejtuesve të automjeteve të kapur nga Radari, për arsyet e fluturimit në rrugë, por cilado të ishte arsyeja, të tilla shpejtësi vrasin jetën në rrugë.

Për 240 minuta kontroll në të dyja kahet e lëvizjes, janë evidentuar dhe ndëshkuar 12 drejtues mjetesh të cilët qarkullonin me shpejtësi dyfish e më shumë se sa norma e lejuar.

Njëkohësisht janë evidentuar dhe dërguar në OASH, 6 drejtues mjetesh për gara shpejtësie dhe manovra të rrezikshme në rrugë, te evidentuar në unazën e madhe nga patrullat në lëvizje të Policisë Rrugore.

Mos nxitoni se në rastin më të mirë do përfundoni te Polici dhe Radari dhe në destinacion do shkoni pa patentë, e në rastin më të keq do arrini aksidentit”, ben thirrje Policia.

Shtuar më 22/08/2020, ora 08:54

Shkruani komentin tuaj!
Të fundit nga kjo kategori