Po tallej me punëtorët, si u vetëplagos me armë pronari i karburantit
Ditën e sotme, pronari i një karburanti u vetëplagos aksidentalisht me armë zjarri pranë biznesit të tij.

Irfan Azizi 37-vjeç e kishte armë tip pistoletë pa leje dhe po luante duke u tallur me punëtorët, por i është shkrepur pa dashje duke u vetëplagosur në dorë aksidentalisht.

Ngjarja është shënuar rreth orës 19:30 në fshatin Poshnje. Ai u transportua me shpejtësi në spital dhe sipas policisë ndodhet jashtë rrezikut për jetën. Por nuk mbaron me kaq, pasi Azizi është ndaluar nga policia për armëmbajtje pa leje shkruan abcneës.al.

“ABC” solli pamjet nga vendi i ngjarjes ku janë ende gjurmët e gjakut, ndërsa karburantit i është vendosur shiriti “skenë krimi” duke u rrethuar. Punonjësit e karburantit dhe dëshmitarët që ishin në vendin e ngjarjes janë marrë në pyetje nga grupi hetimor.

Shtuar më 29/11/2020, ora 22:01

Shkruani komentin tuaj!
Të fundit nga kjo kategori