Qëndrimi i ngrirë i senatorit amerikan, Bernie Sanders gjatë përurimit të presidentit, Joe Biden është bërë viral në internet.

Sanders ishte ulur i strukur nga të ftohtit në një xhaketë ngjyrë kafe dhe dorashka të mëdha prej leshi në Capitol Hill.

Disa përdorues të Twitter vlerësuan faktin që Sanders, një 79-vjeçar progresiv nga Vermonti, i cili kandidoi për president dy herë, dukej si “njeriu i zakonshëm” edhe në këtë ngjarje historike.

Pas ceremonisë së inaugurimit të Joe Biden, ku u pa me një xhaketë kafe dhe doreza leshi, senatori tha: “Ne nga Vermonti nuk duam t’ia dimë për modën. Duam vetëm të jemi ngrohtë dhe unë sot isha ngrohtë”.