Aksident i rëndë në Maliq, ndërron jetë 65-vjeçari

Aksident në aksin rrugor Korçë-Pogradec, në Maliq.

Ngjarja ka ndodhur në afërsi të Libonikut. Mësohet se një mjet ka përplasur një biçikletë, dhe për pasojë drejtuesi i kësaj të fundit Nazif Sulollari ka ndërruar jetë.

Policia ndodhet në vendin e ngjarjes, ndërsa po heton për aksidentin në fjalë.

Njoftimi i policisë:

Maliq/Informacion paraprak

Më datë 09.09.2022, rreth orës 14:55, në aksin rrugor Korçë-Pogradec, pranë fshatit Libonik, Maliq, shtetasi A. P., duke drejtuar mjetin tip “Ford” ka përplasur biçiklistin N. S., 65 vjeç, banues në fshatin Symiz, Maliq, i cili u dërgua në spitalin e Korçës, ku ka ndërruar jetë.

Me drejtuesin e mjetit po kryen veprimet e mëtejshme procedurale.

Grupi hetimor po punon për të sqaruar rrethanat dhe përcaktuar shkaqet e aksidentit.