Një ditë pas plagosjes së dy turistëve, si pasojë e rënies së një masivi shkëmbor, është vendosur që të mbyllet përkohësisht Parku i Syrit të Kaltër.

Mbyllja e tij është kryer për arsye sigurie, dhe për të shmangur përsëritjen e incidentit të ditës së djeshme.

Turisti grek që u plagos dje është Stilianis Bebis 47-vjeç, ndërsa izraeliti është Almog Atia 23-vjeç.

Nuk dihet ende sa kohë do të duhet për të rikthyer sigurinë në këtë Park, që është një nga destinacionet më të preferuara të turistëve të huaj në jugun e vendit tonë.