Plagosi me armë zjarri 34 vjeçarin, arrestohet autori
Një plagosje me armë zjarri ka ndodhur tre javë më parë në qytetin e Vlorës.

Ndërkohë pas tre javësh Policia e Vlorës ka arrestuar të dyshuarin si autor të plagosjes.

Njoftimi i policisë

Kapet autori i plagosjes me armë zjarri të 34-vjeçarit, ndodhur në lagjenPavarësia”, 3 javë më parë.

Në momentin e ndalimit nga policia i sekuestrohet arma me të cilën dyshohet se ka kryer plagosjen si dhe një mjet tip BMW X5.

Strukturat Policore të Drejtorisë Vendore të Policisë Vlorë, në vijim të punës dhe hetimeve intensive me qëllim kapjen, ndalimin dhe vënien para përgjegjësisë ligjore shtetasit të cilët kryejnë krime ndaj personit, kanë bërë të mundur kapjen e shtetasit të shpallur në kërkim:

Nikollaq Çepaj (Taullaraj), 34 vjeç, banues në Vlorë.

Shtetasi i mësipërm më datë 16.05.2018, në lagjenPavarësia”, brenda ambjenteve të një lokali ka plagosur më armë zjarri shtetasin E.L.(D), 34 vjeç.

Është sekuetruar në cilësinë e provës materiale:

arma e zjarrit tip pistoletë me të cilën dyshohet se shtetasi ka kryer plagosjen,

1 automjet tip BMW X5 me targa AA838DS.

Materialet hetimore do t’i referohen Prokurorisë së Rrethit Gjyqësor Vlorë, për veprat penale “Plagosje e rëndë me dashje, kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”, parashikuar nga nenet 88 e 25 dhe 278/1 të Kodit Penal. /albeu.com/
Shtuar më 08/06/2018, ora 17:31

Shkruani komentin tuaj!
Të fundit nga kjo kategori